• Registration

ሆስፒታሉ የህክምና አገልግሎቱን  የጀመረው ምንም አጭር ጊዜ ቢሆንም እነኳን አሁን ያለበት ቁመና እጅግ መልካም የሚባልበት ደረጃ ላይ ይገኛል ፤ ይህ በእንዲህ እንዳለ ሆስፒታሉ ለድንገተኛ ህክምና አገልግሎት  በስፔሻሊስት ዶክተሮች፣ ነርሶች እና በሙያው በሰለጠኑ የጤና ባለሞያዎች ትኩረት ሰጥቶ እየሰራ ይገኛል፡፡

 

የድንገተኛ ህክምና አገልግሎት በራሱ አስቸኳይ እና ጊዜ የማይሰጥ ህመም ከመሆን ጋር ተያይዞ  ሆሰፒታሉ ለህሙማኑ እንዲሁም ለህፃናት ቅድሚያ በመስጠት  በአጭር ጊዜ ቢያንስ በ 5 ደቂቃ ውስጥ ችግራቸውን መርምሮ  አውቆ ወዲያውኑ ህክምናቸውን እንደሚጀምሩ እና በ24 ሰዓታት ውስጥ ህክምናቸውን ጨርሰው እንደሚወጡ  ካልሆነም የበሽታው መጠን ከፍተኛ ደረጃ ላይ ከሆነ ደግሞ ተኝተው ህክምናውን እንደሚወስዱ እና በየሰዓቱም ክትትል እንደሚደረግላቸው የሆስፒታሉ ጠቅላላ ሀኪም እና የኮቪድ አስተባባሪ ዶ/ር ዮናስ ግርማ ገልፀዋል፡፡

ዶ/ሩ አክለውም ወደ ሌሎች ሆስፒታሎች ሪፈር ለሚያስፈልጋቸው ታካሚዎች ሆስፒታሉ እንደ በሽታቸው መጠን ለይቶ አውቆ ችግሩን ሊቀርፍላቸው ከሚችል የጤና ተቋማት በተለይ ክላስተር ከሆኑት ቅዱስ ጳውሎስ እና አለርት ሆስፒታል ጋር በመፃፃፍ  እና በመደዋወል የሆስፒታሉ ፈቃደኝነትን አረጋግጦ በየትኛውም ሰዓት እና ጊዜ አቡላንስ በማዘጋጀት ህሙማኑን እንደሚልክና  የጤናቸውን ሁኔታ በየእለቱ ክትትል እንደሚያደርግም ተናግረዋል፡፡

ሌላው ደግሞ የድንገተኛ ህክምና አገልግሎት ተጠቃሚዎች ከመደበኛው የህክምና አገልግሎት ከሚሰጣቸው ህሙማን እኩል ተሰልፎ ካርድ እና መድሃኒት ክፍል መቆየት ስለማይችሉ ሆስፒታሉ ለእነዚህ ታከሚዎች የተሸለ አማራጭ በመፈለግ የራሱ የሆነ የላቦራቶሪ እና የመድሃኒት አገልግሎት ክፍል በማዘጋጀት የታካሚውን ችግር በአጭር ጊዜ ውስጥ ሊቀረፍ የሚችልበት ሁኔታ የተዘጋጀ መሆኑን ዶ/ር ዮናስ ጠቁመዋል፡፡

እንደ ዶ/ሩ ገለፃ  ሆስፒታሉ የደንበኞችን እርካታ ለመጨመር እና የማህበረሰቡን የጤና ችግር ለመቅረፍ በታማኝነት እና በቅንነት ሌተ ቀን ይሰራል፡፡ 

በመጨረሻም ሆስፒታሉ ከመደበኛው የህክምና አገልግሎት ጎን ለጎን   ለአለም ስጋት የሆነውን የኮሮና (የcovid-19) ወረርሽኝን ከመከላከል እና ከመቆጣጠር አንፃር የኮቪድ ማእከል ሙሉ ዝግጅቱን ጨርሶ በዩኒቨርሲቲው የተማሪዎችን ቅበላ ከመድረጉ በፊት ከተማሪዎች ጋር ቀጥተኛ ግንኙነት ያላቸው የዩኒቨርሲቲው የተለያዩ የስራ ክፍል ሰራተኞችና ከተለያየ አካባቢ ተጠርጥረው ወደ ሆስፒታሉ ለሚመጡ ታካሚዎች ምርመራ በመስጠት ላይ ይገኛል፡፡   

Copyright © 2020. Wolkite University. Designed by Wolkite University ICT

Login Form

Register