• Registration

ከፍተኛ ትምህርት ተቋማት ሰላማዊ የመማር ማስተማር ሂደትን ለማስቀጠል ተማሪዎች የበኩላቸውን ድርሻ ሊወጡ እንደሚገባ ወልቂጤ ዩኒቨርሲቲ አሳሰበ፡፡

 

ወልቂጤ ዩኒቨርሲቲ ባዘጋጀው የሰላም የምክክር መድረክ ከ16 የከፍተኛ ትምህርት ተቋማት የተውጣጡ የሰላም ፎረም ባለድርሻ አካላት ተሳትፈዋል፡፡

የወልቂጤ ዩኒቨርሲቲ ፕሬዝዳንት ፕሮፌሰር ደጀኔ አየለ በመክፈቻ ንግግራቸው ተማሪዎች በወጣትነት ዘመናቸው ሊያጋጥሟቸው ከሚችሉ አልባሌ መንገዶች እንዴት ማለፍ እንዳለባቸው ፤ የማህበራዊ ድረ-ገጽ አጠቃቀም እና ሁለንተናዊ አስተሳሰባቸው በጥሩ መሰረት እንዴት ሊገነባ እንደሚችል የሚያሳይ አጠር ያለ ማብራሪያ ሰጥተዋል፡፡ በዚህም ተማሪዎች በተለይ በማህበራዊ ድረ-ገጾች የሚተላለፉ መልእክቶችን በጥንቃቄ ሳይመረምሩ የትኛውንም አይነት እርምጃ እንድይወስዱ አሳስበዋል፡፡

በእለቱም በዩኒቨርሲቲው የፖለቲካል ሳይንስ መምህር የሆኑት አቶ ዳንኤል መኮንን ስለ ሰላም፤ የግጭት ምንነት፤ ዑደትና አፈታት ዘዴዎች እንዲሁም የሰላም እጦት ስለ ሚያሰከትሏቸው መዘዞች ሰፊ ሙያዊ ትንተና የሰጡ ሲሆን የፍልስፍና መምህር የሆኑት አቶ ፀሀይ ይሄይስ ደግሞ የተማሪዎች ስነ-ምግባርን በተመለከተ ገለጻ አድርገዋል፡፡

በመድረኩም በአንዳንድ የሀገሪቱ ዩኒቨርሲቲዎች ላይ ባለፉት ሶስት አመታት ውስጥ ተከስተው ስለነበሩ ሁከቶች መንስኤ  እና ውጤቶች እንዲሁም አሁን ያለውን ሰላም ለማስቀጠል እንዴት መስራት እንዳለባቸው ሰፊ ውይይት ተደርጎበታል፡፡

በመጨረሻም ተሳታፊ የከፍተኛ ትማህርት ተቋማት ተወካዮች  የየራሳቸውን ተቋም የግጭት መከላከል ዘዴ ልምድ ልውውጥ አድርገዋል፡፡

በመጨረሻም ተሳታፊ የከፍተኛ ትምህርት ተቋማት የየራሳቸውን ተቋም የግጭት መከላከል ዘዴ ልምድ ልውውጥ አድርገዋል፡፡

                                                                                                                                                       

                                                                                                                                                ዘገባው የወልቂጤ ዩኒቨርሲቲ የህዝብ እና አለም አቀፍ ግንኙነት ዳይሬክቶሬት ነው፡፡

 

Copyright © 2018. Wolkite University. Designed by Wolkite University ICT

Login Form

Register