• Registration

Recent videos

Watch this short testimonial video from one of our students
Take a quick tour of our school in this video.
Quick video of the new Snow Flex here at our University.



New Events

Read more  CALL FOR PAPERS

  Read more  CALL FOR APPLICATION

 

 


















በግብርናው ዘርፍ ምርትና ምርታማነትን ለማሳደግ እና የህብረተሰቡን ማህበራዊና ኢኮኖሚያዊ ችግሮችን ለመቅረፍ የከፍተኛ ትምህርት እና የምርምር ተቋማት በቅንጅት ሊሰሩ እንደሚገባ ተገለፀ፡፡

 

ወልቂጤ ዩኒቨርሲቲ ከኢትዮጵያ ግብርና ምርምር ምክር ቤት ሴክሬታሪያት ጋር በመተባበር አመታዊ ሀገር አቀፍ የምርምር ጉባኤ አካሄደ፡፡

የወልቂጤ ዩኒቨርሲቲ ፕሬዚዳንት ፕሮፌሰር ደጀኔ አየለ በጉባኤው መክፈቻ ላይ እንደገለፁት በከፍተኛ ትምህርት ተቋማት በተለያየ ዘርፍ የሚከናወኑ የጥናትና ምርምር ስራዎች ውጤታማና ለህብረተሰቡ ተደራሽ እንዲሆኑ ለማድረግ የየዘርፉ ምሁራን በቅንጅት ሊሰሩ ይገባል ብለዋል፡፡

የኢትዮጵያ የግብርና ምርምር ምክር ቤት ሴክሬታሪያት ዳይሬክተር ዶክተር መኩሪያ ታደሠ በበኩላቸው ተቋማቸው ባለፉት 3 አመታት በሀገሪቱ በተለያዩ አካባቢዎች ቁልፍ ችግሮችን በመለየት፣ ሠነዶችን በማዘጋጀትና ፕሮጀክቶችን በማፅደቅ ችግር ፈቺ የጥናትና ምርምር ስራዎች እየሠራ መሆኑን ተናግረዋል፡፡

በቀጣይም በግብርናው ዘርፍ ምርትና ምርታማነትን ለማሳደግና ህብረተሰቡን ተጠቃሚ ለማድረግ የተጀመረው ተቋማቶችን በጋራ የሚሰራት ሂደት ተጠናክሮ መቀጠል እንዳለበት አሳስበዋል፡፡

ወልቂጤ ዩኒቨርሲቲ ከተመሠረተ ጊዜ ጀምሮ የማህበረሰቡን ችግር በመለየት የምርምር ስራዎችን እያከናወነና ለማህበረሰቡ ተደራሽ እያደረገ መሆኑን የገለፁት የዩኒቨርሲቲው የምርምርና ማህበረሰብ አገልግሎት ምክትል ፕሬዚዳንት ዶክተር ሲሳይ ሸዋማረ በዘንድሮ አመት በተለያዩ ዘርፎች ከ30 በላይ በሆኑ ዘርፎች የማህበረሰብ አገልግሎቶች መስጠታቸውን ተናግረዋል፡፡

ዩኒቨርሲቲው ባደረገው የጥናታዊ ፅሁፍ አቅርቦት ጥሪ በሃገሪቱ ከሚገኙ ከፍተኛ የትምህርት ተቋማት ከቀረቡ 270 የምርምር ንድፈ-ሃሳቦች በዘጠኝ ዘርፍ የማህበረሰቡን ችግር ሊፈቱ የሚችሉ 70 የምርምር ወረቀቶችን መርጦ በጉባኤው ላይ እንዳስቀረበ ምክትል ፕሬዚዳንቱ አያይዘው ገልፀዋል፡፡

የምርምር ጉባኤው በዩኒቨርሲቲው ለመጀመሪያ ጊዜ የተካሄደ መሆኑን የተናገሩት ዶክተር ሲሳይ በሌሎች አካባቢዎች ተሠርተው በጉባኤው የቀረቡት የምርምር ስራዎች ለተቋሙ መምህራን ግብዓት እንደሆናቸውና ወደ ማህበረሰቡ ለማውረድ የተሻለ አጋጣሚ እንደፈጠረላቸው ገልፀዋል፡፡

የተቋሙ መምህራን የሚያከናዉኗቸውን የጥናትና ምርምር ስራዎች ለሌሎች ተቋሞች ተደራሽ ለማድረግም በአመታዊ የጥናት መፅሄት ላይ የማሳተም ስራ እየሠሩ መሆኑን ጠቁመዋል፡፡

የጉባኤው ተሳታፊዎች በሠጡት አስተያየት በጉባኤው የተለያየ ልምድና እውቀት እንደተለዋወጡበትና ችግር ፈቺ የሆኑ የጥናትና ምርምር ስራዎች በቀጣይ ለማከናወን ትልቅ ግብዓት እንዳገኙበት ተናግረዋል፡፡

በአመታዊው ሀገር አቀፍ የምርምር ጉባኤ የኢትዮጵያ ግብርና ምርምር ምክር ቤት ሴክሬታሪያት እና በሀገሪቱ የሚገኙ ከ40 በላይ የከፍተኛ ትምህርት ተቋማት ተሳታፊ ሆነዋል፡፡

 

                                                                                                                                                                     

                                                                                                                                                       ዘገባው የወልቂጤ ዩኒቨርሲቲ የህዝብና አለም አቀፍ ግንኙነት ዳይሬክቶሬት ነው፡፡

Home

About WKU

Admission

Academics

Research

Services

Student

Wolkite University, P.O.Box 07, Wolkite, Guragie Zone, SNNPR, Ethiopia | +251-113-220042 | pird@wku.edu.et

Copyright © 2019. Wolkite University. Designed by Wolkite University ICT

Login Form

Register